5 августа 2020, среда, 7:49
Сим сим, Хартия 97!
Рубрики

Слонімцы ўшанавалі аднаго з кіраўнікоў паўстання супраць Расейскай імперыі

2
Слонімцы ўшанавалі аднаго з кіраўнікоў паўстання супраць Расейскай імперыі
фота: «Радыё Рацыя»

Патрыёт Міхал Валовіч быў родам з вёскі Парэчча.

Сябры Слонімскага згуртавання дэмакратычных сіл 3 ліпеня ў вёсцы Парэчча Слонімскага раёна ўшанавалі аднаго з кіраўнікоў паўстання 1830-1833 гадоў супраць Расейскай імперыі Міхала Валовіча і яго паплечнікаў, перадае «Радыё Рацыя».

Ушанаванне пачаў грамадскі актывіст Іван Бедка. Ён распавёў пра жыццёвы і змагарны шлях Міхала Валовіча, які быў родам з вёскі Парэчча.

фота: «Радыё Рацыя»
фота: «Радыё Рацыя»

Тут ён меў маёнтак і ўласную зямлю. Пасля трэцяга падзелу Рэчы Паспалітай у 1795 годзе Беларусь была цалкам акупаваная расейскімі войскамі. На працягу няпоўных ста гадоў беларусы тройчы ўздымалі меч барацьбы супраць нацыянальнага ворага – Масквы. Адным з самых магутных было паўстанне 1830 – 1833 гадоў. Чынным яго ўдзельнікам быў 27-гадовы юнак са Слонімшчыны Міхал Валовіч.

фота: «Радыё Рацыя»
фота: «Радыё Рацыя»

Аднойчы Міхал Валовіч быў схоплены. На допытах трымаўся годна, праявіў выключную мужнасць, нічога не расказаў катам пра паўстанцкую арганізацыю. 21 ліпеня Міхал Валовіч быў павешаны ў Гародні. Пазней яго маці выкупіла мёртвае цела сына і прывезла ў Парэчча. Міхала Валовіча пахавалі на мясцовых могілках каля ўніяцкай царквы. Яму паставілі помнік, які стаяў да таго часу, пакуль на Слонімшчыну не прыйшлі бальшавікі, якія ўсё знішчылі.

Слонімец Віталь Яшану распавёў прысутным пра сённяшнюю палітычную сітуацыю ў краіне, асабліва хвалявала выступоўцаў мэтанакіраванае знішчэнне роднай мовы, палітычныя арышты, а таксама казалі прысутныя і пра прэзідэнцкія «выбары», і пра тое, што сёння насамрэч адбываецца ў Беларусі.