«Белпошта» змяніла тарыфы на некаторыя паслугі
4- 26.03.2024, 18:25
- 4,944
Новыя кошты будуць з 1 красавіка.
«Белпошта» паведаміла аб змяненні тарыфаў на некаторыя нерэгуляваныя паслугі паштовай сувязі, якія надаюцца фізічным і юрыдычным асобам.
Павялічацца тарыфы на паслугі ў перасылцы ўнутраных паштовых адпраўленняў.
Падаражанне тычыцца:
• заказной пісьмовай карэспандэнцыі;
• адпраўленняў «1 класа»;
• адпраўленняў з абвешчанай каштоўнасцю;
• пасылак;
• адпраўленняў ЕМS, калі кур'ер забірае адпраўленне ў зручным для вас месцы і даставіць яго адрасату;
• некаторых дадатковых паслуг;
• паслуг «Паштовы кур'ер».
Агулам кошты гэтых паслуг павысяцца ў межах 50 капеек.
Без змен застанецца тарыфы на:
• універсальныя паслугі паштовай сувязі (перасылка простага ліста, паштовай карткі, бандэролі);
• паслугі па перасылцы міжнародных паштовых адпраўленняў;
• паслугі па перасылцы ўнутраных пасылак з on-line афармленнем;
• адпраўлення «E-commerce».