У Менску трамвай пратараніў легкавік

ДАІ нагадала кіроўцам важнае правіла з ПДР.

Увечары ў панядзелак, 11 сакавіка, вуліцы Даўгабродскай легкавы Volkswagen сутыкнуўся з трамваем. У сталічнай Дзяржаўтаінспекцыі паказалі кадры з месца ДТЗ.

Са звестак УДАІ ГУУС Мінгарвыканкама, аварыя адбылася а 17:30. За стырном Volkswagen знаходзіўся 30-гадовы мужчына. Менавіта ён, паводле папярэдніх звестак інспектараў, "не пераканаўся ў бяспецы манеўру" і пры развароце на вуліцы Даўгабродскай апынуўся проста на рэйках трамвая, які рухаўся ў гэтым кірунку.

У выніку ДТЗ кіроўцу легкавіка перадалі медыкам, якія прыбылі на месца аварыі, прыйшлося адправіць у шпіталь на абследаванне. Аб пацярпелых сярод пасажыраў трамвая ў ДАІ не паведамілі.

У сувязі з гэтай аварыяй у Дзяржаўтаінспекцыі нагадалі кроўцам наступнае няўхільнае правіла з ПДР:

"У месцах, дзе трамвайныя рэйкі перасякаюць праезную частку дарогі, трамвай мае перавагу перад іншымі транспартнымі сродкамі, акрамя выпадкаў выезду з дэпо і месцаў, дзе чарговасць руху вызначаецца дарожнымі знакамі прыярытэту або сігналамі святлафораў".