ЗША: У ІДІЛ засталося некалькі сотняў байцоў пасля фінальнай бітвы ў Сірыі

Тэрарысты ўтрымліваюць менш за квадратны кіламетр у бітве за апошні сірыйскі анклаў.

Пра гэта заявіў адмысловы прадстаўнік ЗША ў Сірыі Джэймс Джэфры, піша "Европейская правда" са спасылкай на Reuters.

«Мы амаль скончылі кампанію ўздоўж Еўфрата, каб перамагчы апошнія тэрытарыяльныя ўладанні халіфата. У іх ёсць некалькі сотняў байцоў і менш, чым квадратны кіламетр зямлі», - сказаў Джэфры.

Ён сказаў, што барацьба за перамогу над ідэалогіяй «Ісламскай дзяржавы» будзе прадаўжацца, бо яно дагэтуль можа мець 15-20 тысяч прыхільнікаў у Сірыі і Іраку. З ягоных слоў, не існуе графіка вываду войскаў ЗША з Сірыі.