Фотафакт: Амерыканскі пілот купіў 70 бургераў для пасажыраў свайго рэйса
3- 15.03.2019, 10:39
- 10,112
Пілот накарміў абедам пасажыраў, якія праз затрымку рэйса не змаглі своечасова вылецець з аэрапорта.
Калі рэйс Mesa Airlines затрымаўся больш чым на дзве гадзіны, яго пілот Мэцью Хошар (Matthew Hoshor) зрабіў усё магчымае, каб палегчыць чаканне пасажыраў. Купіў для іх абед у суседняй бургернай, піша «Вокруг света».
Адзін з пасажыраў на імя Сэм Уокер (Sam Walker) распавёў гэтую гісторыю ў сваім Тwitter, і пілот тут жа стаў мясцовай знакамітасцю.
Са слоў Уолкера, самалёт вылецеў у Х'юстан толькі праз пяць гадзін пасля запланаванага часу адпраўлення, так што перакус быў вельмі дарэчы.
«Выдатны капітан!» - напісаў Уолкер.
We’re currently 2.5 hours into a delay leaving Tulsa on @united and our Captain, Matthew just ordered every single person on the plane lunch from Fat Guys Burger Bar. Good people and customer service do still exist! #UA6329 pic.twitter.com/2raUykf4JT
— Flier of things. (@samrwalker) 11 марта 2019 г.
Пазней прадстаўнікі Mesa Airlines паведамілі, што авіякампанія «ганарыцца сваёй камандай» і ўдзячная пасажырам за станоўчыя водгукі.
Агулам Хошар купіў 70 гамбургераў, каб накарміць галодных пасажыраў. Кіраўніцтва авіякампаніі ужо паабяцала ўзнагародзіць пілота за праяўлены клопат пра кліентаў.
«Ён сапраўды добры хлопец, - кажа Джонатан Арнштэйн (Jonathan Ornstein), выканаўчы дырэктар Mesa Airlines. - Мы вельмі ганарымся ім. Тое, што ён стараўся з усіх сіл, каб паклапаціцца пра пасажыраў... гэта сапраўды было жэстам выключнага абслугоўвання кліентаў».
Тым часам у кавярні Fat Guy's Burger Bar сказалі, што гэта быў іх найбуйнейшы заказ і першы, зроблены пілотам для сваіх пасажыраў.