Сястра Алега Сянцова: Пуціна трэба проста выматаць

Як вызваліць украінскага рэжысёра.

Сястра ўкраінскага рэжысёра Алега Сянцова Наталля Каплан мяркуе, што вызваліць брата магчыма, выматаўшы прэзідэнта РФ Уладзіміра Пуціна.

Такое меркаванне яна выказала ў інтэрв'ю тэлеканалу "Дождь": "Максімум, магчыма, проста выматаць Пуціна. Учора размаўлялі пра гэта з Ахтэмам Чыйгазам, таксама былым украінскім палітвязням, ён мяркуе, што Пуціна можна проста выматаць, і ён зразумее, што гэта ўсё бессэнсоўна, і скажа: "Ды забірайце ўжо, проста адчапіцеся". Магчымы такі варыянт. Што да таргоў, зноў жа, наколькі я ведаю, Пуціну прапаноўвалі вельмі многае, і ўвесь час - альбо маўчанне, альбо адмова. Наогул у дачыненні да Алега ён практычна заўсёды проста адмоўчваецца. Чаму так?" - спытала Каплан.

Сянцоў быў прысуджаны ў РФ да 20 гадоў пазбаўлення волі 25 жніўня 2015 года. Расейскі суд прызнаў яго вінаватым у стварэнні ў Крыме тэрарыстычнай супольнасці і кіраўніцтве ім, замаху на набыццё выбуховых прылад і незаконным захоўванні агнястрэльнай зброі і боепрыпасаў, двух тэрарыстычных актах і падрыхтоўцы яшчэ аднаго тэракту.

Сянцоў сваёй віны не прызнаў. 14 траўня 2018 года рэжысёр абвясціў бестэрміновую галадоўку. Ён запатрабаваў вызваліць 64 украінскія палітвязні, але сябе ў спіс не ўключыў.

13 ліпеня стала вядома, што з просьбай памілаваць сына да Пуціна звярнулася маці Сянцова Людміла. Расейскія ўлады не прынялі прашэння аб памілаванні Сянцова, заявіўшы, што ён павінен папрасіць пра гэта сам. Каплан заявіла, што Сянцоў не будзе прасіць Пуціна аб памілаванні.