Беларусы змогуць назіраць збліжэнне Месяца з Юпітэрам, Сатурнам і Марсам

Збліжэнне Месяца і планет можна будзе назіраць праз гадзіну пасля заходу сонца.

Як паведамляецца на сайце маскоўскага планетарыя, да канца жніўня на тэрыторыі Расеі можна будзе назіраць збліжэнне Месяца з Юпітэрам, Сатурнам і Марсам. Як пацвердзілі tut.by ў astroromantics.by, гэтую з'яву ўбачаць і беларусы.

Збліжэнне - бачнае праходжанне аднаго нябеснага аб'екта (звычайна планеты або зоркі) паблізу іншага на нябеснай сферы. Кутняя адлегласць паміж свяціламі пры збліжэнні - менш за 6-7 градусаў.

На гэтым тыдні сонца заходзіць за гарызонт блізу 20 гадзін вечара, і ў прыцемках, да 22.00 над паўднёва-заходнім гарызонтам бачныя два яркія свяцілы - гэта планеты Венера і Юпітэр. На поўдні ззяе Сатурн, а нізка на паўднёвым усходзе - яскрава-аранжавы Марс. 14 жніўня Месяц ужо збліжалася з Венерай 17 жніўня пройдзе паблізу Юпітэра, 21-га жніўня - каля Сатурна, а 23 жніўня непадалёк ад Марса.

Збліжэнне Месяца і планет можна будзе назіраць над паўднёвым і паўднёва-заходнім гарызонтам вечарамі, праз гадзіну пасля заходу сонца, зразумела, пры наяўнасці яснага, бясхмарнага надвор'я.