Прэзідэнт «Рэала» прапанаваў Крышціяну Ранальду новы кантракт
1- 9.06.2018, 19:21
- 13,067
Згодна з ім заробак знакамітага футбаліста будзе складаць 32,5 мільёна еўра на год.
Прэзідэнт «Рэала» Фларэнтына Перэс разлічвае ўтрымаць нападніка Крышціяну Ранальду ў мадрыдскай камандзе. Як піша «Прессбол», гэта сцвярджае Cadena Cope.
Раней 33-гадовы партугалец намякнуў на тое, што можа пакінуць «каралеўскі клуб» гэтым летам.
Перэс прапануе Ранальду новае пагадненне, згодна з якім заробак форварда складзе 32,5 мільёна еўра за сезон.
Дзейны кантракт партугальца разлічаны да 2021 года. Ён зарабляе 21 мільён еўраў на год.
У мінулым сезоне Ранальду правёў 55 матчаў ва ўсіх турнірах і забіў 52 галы.