Сем простых правілаў харчавання, якія дапамогуць падоўжыць жыццё на 10 гадоў

Навукоўцы сцвярджаюць, што не варта баяцца тлустых прадуктаў.

Гучыць даволі проста: каб даўжэй жыць, трэба падтрымліваць здаровы лад жыцця. Даследаванне Гарвардскага ўніверсітэта пацвердзіла, што калі прытрымлівацца сямі простых правілаў, можна павялічыць даўжыню жыцця на 10–12 гадоў, піша сайт orthodox.od.ua.

Сем самых важных правілаў харчавання:

1. Пазбягайце фаст-фудаў. Ешце толькі натуральную і правільна прыгатаваную ежу. Гэта значыць – успамінаем усе парады нашых бабуляў. Не забываемся: уся гародніна і садавіна, за выключэннем бульбы і рысу, павышаюць узровень цукру ў крыві. Эксперты рэкамендуюць ужываць больш бабовых, сачавіцу, фасолю і гарох, і не забывацца пра аўсянку і макарону з цэльназерневай мукі.

2. Уключыце ў асноўны рацыён раслінныя прадукты. Вядома ж, нельга забывацца пра мяса, якое з'яўляецца крыніцай бялку. Аднак яно павінна быць гарнірам, а не асноўнай стравай. Уключыце ў свой рацыён грыбы, як шампіньёны або шыітаке. Больш карыснай за мяса можа быць толькі рыба, асабліва ласось, фарэль, селядзец ці скумбрыя.

З. Ужывайце ў ежу толькі ферментаваныя малочныя прадукты. Не мае значэння, абястлушчаны прадукт ці не, галоўнае, ён павінен быць ферментаваным (пад уздзеяннем бактэрый). Вось чаму ёгурт, кефір, сыр ці тварог такія карысныя.

4. Сцеражыцеся занадта вялікай колькасці цукру. Пазбягайце безалкагольных напояў, як кола і іншыя. У дачыненні да соку і іншых кактэйляў – не больш за адну шклянку на дзень. Абмежаванняў для садавіны няма.

5. Не бойцеся тлустых прадуктаў. Новыя даследаванні паказваюць, што тлустыя прадукты не з'яўляюцца асноўнай прычынай павелічэння масы цела. Аліўкавы алей, арэхі, рапсавы алей, сланечнікавы алей, авакада і аліўкі з'яўляюцца вельмі карыснымі. Варта пазбягаць толькі прамысловага тлушчу, які ўтрымліваецца ў чыпсах, кексах і гатовых мучных вырабах.

6. Алкаголь у меру. Любы, хто ўжывае алкаголь у невялікай колькасці, жыве даўжэй, чым тыя, хто яго ўвогуле не ўжываюць.

7. Ніякіх вітамінаў. Не прымайце вітаміны ў таблетках. Адзінае выключэнне – вітамін DЗ, асабліва ўзімку.