Чатыры брытанскія міністры сышлі ў адстаўку праз Brexit
- 15.11.2018, 16:32
- 7,172
Міністры мяркуюць, што ўгода аб выхадзе Вялікай Брытаніі з ЕЗ правалілася.
Брытанская міністарка працы і справах пенсій Эстэр Маквей падала ў адстаўку праз сваю нязгоду з раздзеламі плана Лондана аб Brexit. Пра гэта яна паведаміла ў сваім Twitter, піша РБК.
У адстаўку таксама падаў міністр у справах Паўночнай Ірландыі Шэйлеш Вара.
Са слоў Маквей, угода аб Brexit правалілася, а прапановы аб яго правядзенні «неўзабаве асудзіць уся краіна». Яна адзначыла, што неўзабаве Вялікая Брытанія, згодна з планам уладаў, «выдасць Еўразвязу £39 млрд і не атрымае нічога наўзамен». Маквей падкрэсліла, што план аб Brexit, складзены з удзелам прэм'ер-міністра Вялікай Брытаніі Тэрэзы Мэй, «звяжа рукі не толькі цяперашняму, але і будучым урадам «у правядзенні сапраўднай палітыкі свабоднага гандлю». Міністарка падкрэсліла, што план брытанскіх уладаў «завабіць нас у пастку Мытнага саюза [ЕЗ]».
Earlier this morning I informed the Prime Minister I was resigning from her Cabinet pic.twitter.com/ZeBkL5n2xH
— Esther McVey (@EstherMcVey1) 15 ноября 2018 г.
Раней брытанскі міністр у пытаннях Brexit Дамінік Рааб падаў у адстаўку праз нязгоду з планам выхаду краіны з Еўразвязу. «Рэгулятыўны рэжым, прапанаваны Паўночнай Ірландыі, уяўляе рэальную пагрозу цэласнасці Вялікай Брытаніі», - адзначаў Рааб.
Таксама з урада сышла малодшая міністарка ў пытаннях Brexit Суэла Брэйверман, пра гэта яна паведаміла ў сваім Twitter. Паводле яе слоў, раздзелы плана аб Паўночнай Ірландыі гэта «не тое, за што галасавалі брытанцы ў 2016 годзе». Акрамя таго, у адстаўку падала дэпутат Кансерватыўнай партыі і адна з памагатых міністра адукацыі Вялікай Брытаніі Эн-Мары Трэвельян. У сваім Twitter яна напісала, што не можа падтрымаць план Лондана аб Brexit, які «непрымальны для 17,4 млн выбаршчыкаў, што прагаласавалі за выхад з Еўразвязу і магчымасць зноў стаць незалежнай дзяржавай».