У Беларусі падаражэе больш за 70 марак цыгарэт

З пачатку года гэта ўжо чацвёртае падвышэнне коштаў.

Міністэрства падаткаў і збораў Беларусі паведаміла аб падвышэнні цэн 77 марак цыгарэт з 1 траўня. З пачатку 2024 года гэта ўжо чацвёртае падвышэнне коштаў на цыгарэты.

Паводле звестак, апублікаваных на сайце МПЗ, у Беларусі падаражэюць цыгарэты, што вырабляюцца тытунёвымі фабрыкамі "Тытунь-інвест", "Сентоні ПРА", а таксама цыгарэты, што ўвозяцца дзяржпрадпрыемствам "Беларусьгандаль".

Не падаражэюць цыгарэты, якія вырабляюцца тытунёвымі фабрыкамі "Нёман" і "Інтэр Табака", а таксама імпарт кампаніі "Сентоні ПРА".

Кошты на цыгарэты вырастуць у дыяпазоне ад 5 да 45 капеек.

Так, кошт на лінейкі цыгарэт "Карона" і "Форт" кампаніі "Тытунь-інвест" вырасце на 5 капеек. На марку цыгарэт LD Compact Lounge Special гэтай жа кампаніі кошт вырасце на 40 капеек, і з траўня пачак каштавацьме ў 5,40 рублёў. На столькі ж паднімецца кошт на шматлікія пазіцыі лінейкі Camel, Winston, Richmond і Sobranie.

На некаторыя маркі, напрыклад Sobranie Caster, кошт вырасце на 45 капеек.

У кампаніі "Сентоні ПРА" на 30 капеек падаражэюць 5 пазіцый марак цыгарэт. Гэта цыгарэты з лінеек Lucky і Pall Mall.

З апублікаванай на сайце МПЗ інфармацыі вынікае, што тытунёвая фабрыка "Сентоні ПРА" пачне вырабляць і ўвозіць некалькі новых марак цыгарэт. А менавіта будзе вырабляць Kent Nano Feel (6,75 рубля), а таксама Pall Mall Nano Aroma Brown і Pall Mall Nano Aroma Red (па 5,50 рубля).

Імпартаваць пачнуць Camel Yellow і Camel Blue (па 5,85 рубля), Camel Compact і Camel Compact Blue (па 5,50 рубля), Richmond Compact Special Blue (5,40 рубля) і Sobranie Caster (па 7,10 рубля).