Заўтра ўдзень у Беларусі будзе да +12°С

Прагноз надвор'я на 17-19 сакавіка.

17 сакавіка надвор'е ў Беларусі будуць вызначаць атмасферныя франты, якія перамяшчаюцца з захаду. Воблачна з праясненнямі. На большай частцы тэрыторыі дажджы, удзень у паўночна-заходніх і заходніх раёнах з мокрым снегам, паведамляе pogoda.by.

Уначы і раніцай у асобных раёнах слабы туман. Вецер паўднёвы з пераходам на паўночна-заходні сярэдні, удзень месцамі парывісты. Тэмпература паветра мінімальная ўночы +3..+8°С, месцамі па паўднёвым усходзе 0..+2°С, максімальная ўдзень +6..+12°С. Атмасферны ціск уначы будзе слаба падаць, днём істотна не зменіцца.

18-19 сакавіка краіна будзе знаходзіцца ў вобласці паніжанага атмасфернага ціску і пад уплывам атмасферных франтоў.

18 сакавіка воблачна з праясненнямі. На большай частцы тэрыторыі краіны кароткачасовыя ападкі (мокры снег, дождж). Уначы і раніцай на асобных адцінках дарог галалёдзіца. Вецер пераменных кірункаў сярэдні. Тэмпература паветра ўночы -3..+4°С, удзень ад +1°С на захадзе да +9°С на ўсходзе.

19 сакавіка воблачна з праясненнямі. На большай частцы тэрыторыі рэспублікі кароткачасовыя ападкі (мокры снег, дождж). Уначы і раніцай у асобных раёнах слабы туман і галалёд, на дарогах галалёдзіца. Вецер пераменных кірункаў умераны. Тэмпература паветра ўночы -3..+4°С, удзень +3..+9°С.