У Беларусі скарачаецца колькасць занятых у эканоміцы

Адначасова з гэтым у краіне фіксуецца рэкордна нізкае беспрацоўе.

Колькасць беларусаў, якія працуюць, працягвае скарачацца, за студзень эканоміка страціла яшчэ 11 тысяч работнікаў. На гэта звярнуў увагу рэсурс «Вашы грошы». Урад спрабуе спыніць адток кадраў з эканомікі, але пакуль беспаспяхова. У новай канцэпцыі міграцыйнай палітыкі на 2024-28 нават надумалі распрацаваць дадатковыя меры "стымулявання вяртання беларускіх грамадзян, якія выехалі на працу за межы Рэспублікі Беларусь".

У студзені 2023 года ў эканоміцы краіны было занята 4 мільёны 129 тысяч чалавек. Адначасова ў Беларусі фіксуецца рэкордна нізкае беспрацоўе. Размова ідзе не толькі аб колькасці зарэгістраваных як беспрацоўныя. Але і аб паказчыку, які разлічваецца паводле міжнароднай метадалогіі.

На зніжэнне колькасці занятых у эканоміцы ўплываюць не толькі дэмаграфія і ад'езд вялікай колькасці спецыялістаў за мяжу, адзначае рэсурс. Але і асаблівасці беларускага рынку працы - неэфектыўная кадравая палітыка і параўнальна нізкія заробкі.