У Беларусі ідзе паводка

Падтаплівае дамы, скляпы і падворкі.

У Беларусі пачалася вясновая паводка — рэкі выходзяць з берагоў, падступаюць да дамоў і падворкаў. У МНС расказалі аб сітуацыі з падтапленнямі на поўдні краіны, у Белгідрамеце — аб узроўні вады ў рэках.

Напярэдадні, 12 сакавіка, узровень вады ў Сожы дасягнуў 526 см, паведамілі ў МНС. У Гомелі заліло 55 падворкаў, 13 дамоў, 33 гаспадарчыя пабудовы, 21 сутарэнне і 4 адцінкі дарог. У сувязі з ростам ўзроўню вады ўстаноўлены падвышаны рэжым гатоўнасці.

На вуліцы Палявая ратавальнікі вывозілі людзей з затопленых дамоў на лодках. Каля будынкаў, да якіх падступіла паводка, насыпаюць дамбы, ва ўжо залітых дамах праводзяць адпампоўку вады.

Таксама знойдзены падтапленні дамоў і падворкаў у Гомельскім, Веткаўскім, Жыткавіцкім, Кастрычніцкім, Светлагорскім і Хойніцкім раёнах. А ўсяго ў Гомельскай вобласці талымі і паводкавымі водамі залілі 142 дамы, 34 падвалы, 503 падворкі і сотні іншых аб'ектаў.

У Белгідрамеце паведамілі, што на 12 сакавіка ўзровень вады перавышаюць небяспечныя высокія адзнакі ў Сожы каля Гомеля, Проні каля вёскі Ляцягі, Прыпяці каля вёскі Чэрнічы і Петрыкава, Пцічы каля вёскі Першая Слабодка, Случа каля мястэчка Ленін і Шчара ў Слоніме.

Адзначаюцца затапленні прыбярэжных тэрыторый у большасці раёнаў Гомельскай і Магілёўскай абласцей, асобных раёнах Берасцейскай, Гарадзенскай і Менскай абласцей.