Маланка ўдарыла ў самы вялікі хмарачос свету Бурдж-Халіфа
12- 10.03.2024, 14:56
- 14,836
Уражальны кадр.
Раніцай, 9 сакавіка, у Аб'яднаных Арабскіх Эміратах пачаліся моцныя дажджы. Яны ахапілі і горад Дубай, дзе размешчаны найбуйнейшы ў свеце хмарачос Бурдж-Халіфа. Падчас непагадзі ў яго патрапіла маланка, якую захавалі відавочцы, паведамляе «24 канал».
«Хуткі, але ўнікальны кадр», - падпісаў мясцовы фатограф неймаверны здымак у Instagram.
Бурдж-Халіфа - самы высокі ў свеце будынак, размешчаны ў горадзе Дубаі. Ён налічвае 163 паверхі, а агульная вышыня дасягае 828 метраў. У хмарачосе ёсць надзвычай хуткасны ліфт, якім можна падняцца на 124-ы паверх за хвіліну.
Бурдж-Халіфа з'яўляецца візітнай карткай ААЭ. Слава аб хмарачосе распаўсюдзілася яшчэ задоўга да пачатку будаўніцтва. Урачыстае адкрыццё адбылося ў студзені 2010 года. Менавіта тады кіраўнік эмірата Дубай паведаміў, што вежа будзе перайменаваная ў гонар прэзідэнта ААЭ - шэйха Халіфы ібн Заіда Аль Нахаяна.
Акрамя фота, у сетцы распаўсюджваецца само відэа трапляння маланкі ў хмарачос. Аб наступствах пакуль не паведамляецца.
Thunderstorm hits Burj khalifa earlier today..... #Dubai #dxb #Burjkhalifa pic.twitter.com/VngcZTxxKw
— ★WaQas AsLam★ (@azad_of_pindi) March 9, 2024