29 сакавiка 2024, Пятніца, 1:46
Падтрымайце
сайт
Сім сім,
Хартыя 97!
Рубрыкі

Лукашэнка панічна баіцца Мікалая Статкевіча

42
Лукашэнка панічна баіцца Мікалая Статкевіча
МІКАЛАЙ СТАТКЕВІЧ

Лідара Беларускага Нацыянальнага Кангрэсу асудзілі на 15 дзён за заклік да набажэнстваў.

Затрыманага 7 красавіка каля дома лідара Беларускага Нацыянальнага Кангрэсу Мікалая Статкевіча, які збіраўся на малебен за Курапаты да Свята-Духавага сабору ў цэнтры Менска, судзілі раніцай 9 красавіка, паведамляе «Радыё Свабода».

Суд над Статкевічам доўжыўся 5 хвілін. Суддзя Вікторыя Шабуня вынесла прысуд: 15 дзён арышту.

Мікалай Статкевіч адмовіўся ўдзельнічаць у пасяджэнні, заявіў суддзі адвод, але яна не пагадзілася. Суд праходзіў за нібыта заклік да несанкцыянаванай акцыі (арт. 23.34 КоАП РБ), Статкевіч абурыўся: «Якая акцыя, гэта ж была малітва!»

Некалькі дзён каля яго дома ў Лошыцы дзяжурылі тры мікрааўтобусы. У нядзелю раніцай, калі Статкевіч садзіўся ў аўтамабіль, яго схапілі людзі ў цывільным і павезлі ў Цэнтральны РУУС Менска.

Удзень яго змясцілі ў Цэнтр ізаляцыі правапарушальнікаў на Акрэсціна. Раніцай у панядзелак у ЦІПе не хацелі прымаць перадачу, якую прывезла жонка Марына Адамовіч: «Яго цяпер павязуць у суд, навошта яму торбы?» - казалі ахоўнікі. У панядзелак Статкевіча ў суд так і не прывезлі.

У аўторак а 5-й раніцы Мікалая Статкевіча таемна вывезлі з Акрэсціна ў Цэнтральны РУУС, пратрымалі там да 8 раніцы і павезлі ў суд Цэнтральнага раёна. Удзельнічаць у працэсе лідар БНК адмовіўся.

Лідар Беларускага Нацыянальнага Кангрэсу Мікалай Статкевіч з'яўляецца самым папулярным беларускім палітыкам.

Нагадаем, што 4 красавіка ўлады знішчылі крыжы па перыметры Курапатаў.

Актывісты паведамляюць, што было знішчана і вывезена каля 100 крыжоў.

1 сакавіка на прэс-канферэнцыі Лукашэнка выказаў незадаволенасць крыжамі вакол Курапатаў, якія бачныя з дарогі.

7 красавіка ў 12.00 на плошчы Свабоды ля Мінскага Свята-Духава Кафедральнага (праваслаўнага) Сабору прайшоў малебен. У набажэнстве ўзялі ўдзел больш за 1000 чалавек.

Напісаць каментар 42

Таксама сачыце за акаўнтамі Charter97.org у сацыяльных сетках