Нямецкі еўрадэпутат: Зяленскі кінуў выклік постсавецкім структурам
5- 23.04.2019, 10:55
- 15,670
Кандыдат у прэзідэнты Украіны зрабіў вельмі цікавую заяву.
Уладзімір Зяленскі, які перамог у другім туры выбараў прэзідэнта Украіны, кінуў выклік постсавецкім структурам і асабліва Уладзіміру Пуціну. Такое меркаванне выказаў дэпутат Еўрапарламента ад Нямеччыны з фракцыі Еўрапейскай народнай партыі Міхаэль Галер.
Пра гэта дэпутат апавёў у інтэрв'ю DW.
"Зяленскі зрабіў вельмі цікавую заяву. Ён звярнуўся да грамадзянаў на постсавецкай прасторы і сказаў: маўляў, паглядзіце, тое, што магчыма ва Украіне, магчыма і для вас. Такім чынам ён кінуў выклік постсавецкім структурам і асабліва таксама Пуціну", – заявіў Галер.
"Але для Расеі тут гаворка ідзе хутчэй пра ўнутрыпалітычнае пытанне", – дадаў ён.
Галер мяркуе, што ў Маскве цяпер хочуць прыгледзецца да Зяленскага.
Ён выступіў за дыялог з Расеяй, бо праблемы вайны і акупацыі выкліканыя менавіта ёю.