Індыя збіла спадарожнік і абвясціла сябе буйной касмічнай дзяржавай
11- 27.03.2019, 15:08
- 16,919
Індыя стала чацвёртай краінай, якая ўжыла такую зброю пасля ЗША, Расеі і Кітая.
Прэм'ер-міністр Індыі Нарэндра Модзі заявіў, што індыйская ракета збіла на калязямной арбіце спадарожнік, назваўшы гэта выпрабаванне буйным прарывам у сваёй касмічнай праграме.
Пра гэта Модзі заявіў у сераду, 27 сакавіка, у тэлевізійным звароце да нацыі.
«Індыя сёння дасягнула беспрэцэдэнтнага поспеху... Некаторы час таму нашы навукоўцы збілі дзейны спадарожнік у 300 кіламетрах у космасе, на нізкай калязямной арбіце», - цытуе Модзі Reuters.
Са слоў прэм'ера, з гэтага моманту Індыя стала буйной касмічнай дзяржавай.
Індыя стала чацвёртай краінай, якая ўжыла такую супрацьспадарожнікавую зброю пасля ЗША, Расеі і Кітая.