Праваабаронцы: Створаная МУС сістэма надае дрэнную паслугу грамадству

Ідзе збор подпісаў за перадачу паўнамоцтваў ДВП МУС Міністэрству юстыцыі.

Сваякі асуджаных, праваабаронцы і грамадскія актывісты намагаюць на неабходнасці гуманізацыі і рэфармавання пенітэнцыярнай сістэмы. Пакуль жа створаныя пад кантролем МУС умовы не спрыяюць выпраўленню патрапілых туды людзей, гэтая сістэма надае дрэнную паслугу грамадству агулам. Пра гэта Charter97.org заявілі стваральнікі петыцыі, апублікаванай на платформе petitions.by.

Ідзе другая хваля збору подпісаў пад патрабаваннем да Савета Міністраў Рэспублікі Беларусь перадаць паўнамоцтвы Дэпартамента выканання пакарання МУС Міністэрству юстыцыі.

Петыцыя апублікаваная кіраўніцай Беларускага дакументацыйнага цэнтра Раісай Міхайлоўскай і жонкай асуджанага Людмілай Кучурай у рамках грамадскай кампаніі «Вярнуць чалавека».

У тэксце падымаюцца асноўныя праблемы ў месцах пазбаўлення волі, з якімі працуе кампанія: неналежны ўзровень медыцынскай дапамогі, умовы працы, якія дыскрымінуюць, самавольства супрацоўнікаў калоній у дачыненні да асуджаных, а таксама адсутнасць сістэмных захадаў для іх рэсацыялізацыі і сацыяльнай адаптацыі, у выніку чаго на волю выходзяць надламаныя людзі, якім складана знайсці сабе месца ў грамадстве і якіх цяжкасці штурхаюць на паўторныя злачынствы.

«Праблемы ўмоў утрымання ў месцах пазбаўлення волі, пытанні рэсацыялізацыі, асветленыя ў петыцыі, узятыя намі не са столі. Былыя асуджаныя, сваякі зняволеных ужо не проста кажуць пра іх, яны патрабуюць ад дзяржавы развязання праблем. Колькасць грамадзян за турэмнымі сценамі ў краіне проста зашкальвае.

Калі за кратамі парушаюцца правы чалавека, значыць, парушаюцца і нашы з вамі правы. Мы не хочам сацыяльных выбухаў, росту злачыннасці, таму спрабуем дастукацца да тых, хто ў стане змяніць сітуацыю», - кажа Раіса Міхайлоўская.

Папярэднюю петыцыю за перадачу паўнамоцтваў ДВП МУС Мінюсту, накіраваную год назад у савает міністраў Людмілай Кучурай, адрасат не стаў разглядаць па сутнасці, фармальна перакіраваўшы ў МУС.

Нягледзячы на прадэманстраванае дзяржаўным органам нежаданне прыслухацца да сваякоў асуджаных, у іх няма прычын адыходзіць ад сваіх патрабаванняў, мяркуе суаўтарка паўторнага звароту.

«Адказы я атрымала адмоўныя. Але, чытаючы тую петыцыю, у МУС бачылі пазначаныя ў ёй праблемы - дагэтуль ніводная з іх не была хоць бы вынесеная на абмеркаванне. А праблем з месцаў пазбаўлення волі да нас даходзіць усё больш. Атрымліваецца, што МУС не хоча развязваць іх ці не можа. Таму не толькі я, але, мяркую, і тыя 222 чалавекі, якія падпісаліся пад першай петыцыяй, мяркуем, што ДВП МУС павінен быць пазбаўлены функцыі, з якой не спраўляецца», - кажа Людміла Кучура.

Ініцыятары петыцыі звяртаюцца па падтрымку: разам з подпісамі важна, каб інфармацыя аб выкладзеных у звароце праблемах і патрабаваннях разышлася як мага шырэй.

«Пытанні гуманізацыі пенітэнцыярнай сістэмы не падымаюцца дзяржавай. МУС кажа пра барацьбу са злачыннасцю, прэзідэнт патрабуе такіх умоваў утрымання, каб жыць там людзям не хацелася. Якімі выйдуць людзі з-за кратаў? Што робіць дзяржава, каб яны знайшлі сваё месца ў соцыуме?

Прыцягнуць увагу да гэтых пытанняў - мэта грамадскай кампаніі «Вярнуць чалавека». Як паказвае наш аналіз, дзяржаўныя службы, ад якіх залежаць чалавечыя лёсы, працуюць неэфектыўна. Грамадства не павінна быць абыякавым да праблем гэтых людзей, бо іх праблемы становяцца выклікам для ўсіх нас», - падкрэслівае Раіса Міхайлоўская.