«Зачысткі» ў Крыме: мясцовыя жыхары далі адпор расейскім сілавікам

У Сімферопалі татары ўзбунтаваліся супраць акупантаў.

У мікрараёнаў Каменка ў Сімферопалі расейскія сілавікі затрымалі некалькі чалавек каля дома мясцовага жыхара Рустэма Шэйхаліва, дзе раніцай 27 сакавіка праводзяць ператрус паводле крымінальнай справы аб удзеле ў забароненай Расеяй рэлігійная арганізацыі «Хізб ут-Тахрыр», паведамляе «Крым.Реалии».

Спачатку супрацоўнікі расейскай МУС, якія ачапілі мікрараён, заклікалі яго жыхароў разысціся. Пасля атрымання адмовы адбылася бойка, у выніку якой былі затрыманыя два чалавекі. Іх прозвішчы невядомыя.

Супрацоўнікі ФСБ, МУС Расеі і Расгвардыі праводзяць ператрусы прынамсі ў 25 дамах крымскіх татараў у анэксаваным Крыме ў рамках крымінальных спраў супраць некалькіх жыхароў Крыма, якіх падазраюць ва ўдзеле ў дзейнасці забароненай у Расеі рэлігійная арганізацыі «Хізб ут-Тахрыр».

У ФСБ Расеі пацвердзілі правядзенне ператрусаў у Крыме, аднак не назвалі колькасці падазраваных і іх прозвішчы.

Раней паведамлялася, што ператрусы праходзяць у вёсцы Страганаўка Сімферопальскага раёна, у мікрараёне Каменка Сімферопаля, сяле Уладзімірака Белагорскага раёна Крыма.

Са звестак актывістаў, у мікрараёне Каменка квартал, дзе праходзіць ператрус, перацяты Расгвардыяй. Мясцовых жыхароў не прапускаюць дадому.

«Крым.Реалии» высвятляюць падрабязнасці таго, што адбываецца.

Абаронцы арыштаваных і асуджаных паводле «справы Хізб ут-Тахрыр» крымчукоў лічаць іх пераслед матываваным паводле рэлігійнай прыкметы. Адвакат Эміль Курбедзінаў адзначае, што праследаванні паводле гэтай справы расейскімі праваахоўнымі органамі - пераважна тычацца крымскіх татараў, а таксама ўкраінцаў, расейцаў, таджыкаў, азербайджанцаў і крымчукоў іншага этнічнага паходжання, якія вызнаюць іслам.

Прадстаўнікі міжнароднай ісламскай палітычнай арганізацыі «Хізб ут-Тахрыр» называюць сваёй місіяй аб'яднанне ўсіх мусульманскіх краін у ісламскім халіфаце, але яны адпрэчваюць тэрарыстычныя метады дасягнення гэтага і кажуць, што зазнаюць несправядлівы пераслед у Расеі. Вярхоўны суд Расеі забараніў «Хізб ут-Тахрыр» у 2003 годзе, уключыўшы ў спіс 15 аб'яднанняў, названых «тэрарыстычнымі».