СБУ затрымала адэсіта, якому даручылі падарваць нафтаправод «Адэса-Броды»
2- 19.01.2019, 15:04
- 14,537
Мужчына даўно супрацоўнічаў з расійскімі спецслужбамі.
Калі яму прапанавалі зладзіць тэракт, ён спалохаўся, і цяпер супрацоўнічае са следствам.
Брат затрыманага - былы актывіст «Куліковага поля», цяперашні каардынатар прарасейскага «падполля» ў Адэскай вобласці, паведамляе Цензор.нет са спасылкай на прэс-службу СБУ.
Мужчына рэгулярна ездзіў на сустрэчы з братам у акупаваны Крым, Малдову і Прыднястроўе.
«Падчас гэтых ваяжаў адэсіт спачатку атрымліваў простыя даручэнні, такія, як перадача ганарараў мадэратарам антыўкраінскіх супольнасцяў у сацсетках, стварэнне «ботаў» і іншыя дробныя задачы. Аднак яго знаёмілі з іншымі рэзідэнтамі і куратарамі антыўкраінскага цэнтра і паступова рыхтавалі да «подзвігу», - гаворыцца ў паведамленні СБУ.
Калі адэсіту прапанавалі зладзіць тэракт на нафтаправодзе «Адэса-Броды», ён спалохаўся і вярнуўся на радзіму. Цяпер ён актыўна супрацоўнічае са следствам.
«Варта сказаць, што гэтая гісторыя з'яўляецца тыповай. Маніпулюючы ідэямі «расейскага свету» вораг штурхае нашых суайчыннікаў на злачынствы супраць Украіны, а выкарыстаўшы - пазбаўляецца. Бо лёс пешак там нікога не турбуе», - падводзяць вынік у СБУ.