У Беларусі некаторыя тавары могуць знікнуць з інтэрнэт-крам

МАРГ хоча памяняць правілы продажу тавараў.

Міністэрства антыманапольнага рэгулявання і гандлю Беларусі падрыхтавала і вынесла на грамадскае абмеркаванне на сваім сайце праект пастановы ўрада, якая ўносіць змены ў правілы продажу тавараў пры ажыццяўленні раздробнага гандлю паводле ўзораў.

У пералік тавараў, забароненых да продажу па-за гандлёвымі аб'ектамі, у тым ліку праз інтэрнэт-крамы, прапануецца дадаткова ўключыць піва, слабаалкагольныя напоі, нехарчовыя тавары, прынятыя на камісію, паведамляе «Прайм пресс».

Таксама ў пералік уключаныя манеты з каштоўных металаў, мерныя зліткі з золата. У пералік прапануецца ўключыць піратэхнічныя вырабы бытавога прызначэння. Цяпер у ім ёсць усе піратэхнічныя вырабы.

Акрамя таго, з пераліку забароненых да продажу выключаецца пазіцыя «спецыялізаваная харчовая прадукцыя для харчавання спартоўцаў».

Грамадскае абмеркаванне праекта дакумента будзе доўжыцца да 28 верасня 2018 года.