Відэафакт: Футбаліст так заўзята святкаваў гол, што праваліўся скрозь зямлю

Гэтай штукі не ведае нават Капэрфільд.

Гулец швайцарскага «Цюрыха» Бэньямін Калолі забіў першы гол за новы клуб і пабег святкаваць да трыбуны са сваімі фанатамі, але не ўлічыў асаблівасцяў стадыёна на Кіпры, дзе гулялі каманды. Так што, пераскочыўшы цераз апошнюю перашкоду перад заўзятарамі, Калолі проста знік. І шукаць яго давялося ўсім стадыёнам, піша medialeaks.ru.

Познім вечарам 20 верасня кіпрскі «АЕК» з Ларнакі прымаў на сваім хатнім стадыёне гасцей з «Цюрыха», распавядае Sport Bible. У другім тайме суддзя прызначыў у браму гаспадароў пенальці, а да мяча падышоў пачатковец швайцарцаў Бэньямін Калолі.

Калолі ўпэўнена рэалізаваў пенальці, і свой першы гол за новы клуб яму хацелася адсвяткаваць па-асабліваму.

Так што Бэньямін пабег да трыбуны стадыёна, на якой размясціліся фанаты, што прыляцелі з Швайцарыі. Футбаліст упэўнена пераскочыў рэкламныя шчыты.

А вось рухацца далей было ўжо дрэнным варыянтам. Калолі лёгка пераскочыў яшчэ нейкую агароджу і знік.

Рэч у тым, што на стадыёне ў Ларнацы футбалістаў ад заўзятараў агароджвае трохметровы роў. Але вось таго факту, што туды можа ўпасці не надта буяны заўзятар, а ахвочы падзяліцца сваёй радасцю з фанатамі футбаліст, кіпрскія інжынеры, відавочна, не прадугледзелі.

Выцягвалі Бэньяміна ўсёй суполкай, але нават такое пудла ніяк не перашкаджала яму святкаваць.

Больш за тое, падзенне не прычынілася ні да якіх сур'ёзных пашкоджанняў. Калолі дагуляў матч да канца, а «Цюрых» захаваў пераможны лік.