Колькасць ахвяр нападу на парад у Іране вырасла да 24 чалавек
- 22.09.2018, 13:54
- 11,064
Баевікі расстралялі вайскоўцаў на парадзе ў Іране з-за трыбуны.
Ахвярамі нападу на вайсковы парад, які праходзіў 22 верасня ў іранскім горадзе Ахваз, сталі 24 вайсковаслужбоўцы Корпуса вартавых ісламскай рэвалюцыі. Пра гэта са спасылкай на звесткі журналістаў дзяржаўнай тэлевізіі паведамляе тэлеканал Al Arabiya, піша gordonua.com.
Раненні атрымалі, паводле ўдакладненых звестак, блізу 60 чалавек.
Баевікі адкрылі агонь па ўдзельніках параду з-за трыбуны, адзначае агенцтва. На відэа, якое агенцтва Fars размясціла ў Twitter, паказана, што ўдзельнікі параду не адразу адрэагавалі на стральбу, некаторыя з іх глядзелі ўверх, відавочна, падумаўшы, што гэта салют.
🎥🔴لحظه تیراندازی و حمله تروریستی در مراسم رژه نیروهای مسلح در #اهواز pic.twitter.com/n3PRTjbnSf
— خبرگزاری فارس (@FarsNews_Agency) 22 сентября 2018 г.
Яшчэ адно відэа апублікавала ў Twitter агенцтва ISNA.
نخستین فیلم از تیراندازی شدید به رژه نیروهای مسلح در اهواز#رژه_اهواز pic.twitter.com/qt0GtVrviZ
— خبرگزاری ایسنا (@isna_farsi) 22 сентября 2018 г.
Парад у Ахваз быў арганізаваны ў рамках мерапрыемстваў, прысвечаных ірана-ірацкай вайне 1980-1988 гадоў. Першапачаткова гаворка ішла пра 8-10 іранскіх вайскоўцаў, якія загінулі ў выніку нападу.
