СМІ даведаліся, каго Трамп хоча бачыць віцэ-прэзідэнтам ЗША

Яго называюць "сярэднім кандыдатам".

Адным з магчымых кандыдатаў на пасаду віцэ-прэзідэнта ў Дональда Трампа з'яўляецца губернатар Паўночнай Дакоты Даг Бергам.

Пра гэта стала вядома выданню Axios.

Са звестак крыніц партала, каманда Трампа маркуе Бергама "бяспечным варыянтам", які можа залучыць галасы сярэдніх выбарцаў.

Суразмоўцы выдання распавялі, што Трамп і ягоная жонка Меланія прымалі Бергама і ягоную жонку Кэтрын у сваёй рэзідэнцыі Мар-а-Лага на велікодным бранч.

Са слоў крыніц, у апошнія тыдні Трамп часта згадваў імя Бергама ў размовах з супольнікамі.

Прадстаўнікі Трампа і Бергама адмовіліся ад каментароў.

Дзве крыніцы, знаёмыя з ходам думак Трампа, сказалі, што яму падабаюцца ўзважаныя паводзіны Бергама і яго губернатарскі досвед.

Партал адзначае, што рысы Бергама вельмі падобныя да Майка Пэнса, якога Трамп абраў віцэ-прэзідэнтам у 2016 годзе.

Як адзначае выданне, Бергам згаджаецца з Трампам у многіх пытаннях, сярод іншага ў дачыненні да абортаў.

Бергам таксама прэтэндаваў на ролю кандыдата ў прэзідэнты ЗША ад рэспубліканцаў, але выбыў з гонкі ў снежні.