Адкуль беларусы часцей лятаюць - з Менска ці Вільні?

Статыстыка вельмі красамоўна паказвае: беларусы выдатна ўмеюць параўноўваць кошты.

Здаецца, у наш час з Вільні не лётаў толькі лянівыя: так званы «Мінск-3» карыстаецца папулярнасцю ў нашых суграмадзян з прычыны таннасці білетаў і невялікай адлегласці паміж літоўскім і беларускім сталіцамі, піша tio.by.

Часам можа падацца, што з Менска лётаюць радзей, чым з Вільні! Але, высвятляецца, гэта не зусім так. Спецыялісты папулярнага сэрвісу Aviasales.ru падзяліліся з журналістамі інфармацыяй аб рэзерваваннях, якія робяць беларусы на сайце.

Вядома, многія шукаюць танныя квіткі наўпрост на сайтах лоўкостэраў, а хтосьці ідзе па квіткі наўпрост да «Белавіі» і іншых звыклых беларускаму воку, вуху і сэрцу перавозчыкаў. Але зразумець агульную сітуацыю дзякуючы такой статыстыцы ўсё ж можна.

Такім чынам, статыстыка вяшчае, што часцей за ўсё беларусы рэзервуюць квіткі Менск-Масква.

Астатнія вылеты ў топе - з Менска: беларусы купляюць квіткі ў Батумі, Тбілісі, Пецярбург, Сімферопаль і Сочы (так, зноў - але гэта ўжо з Менска), Стамбул і Тэль-Авіў. Квіткі з Вільні з'яўляюцца толькі на 12 пазіцыі ў рэйтынгу.

Такім чынам, часцей за ўсё беларусы з Вільні лётаюць у Барсэлону: нядзіўна, бо патрапіць туды з Літвы можна коштам ад 20 еўраў за квіток у адзін бок (а сярэдні цана кошт у Ryanair, напрыклад, - 50-70 еўраў).

Пералёт туды-назад можна ўкласці ў100 еўраў, а калі пашанцуе – і ў значна меншую суму. З Вільні беларусы лётаюць у Парыж, Рым і Мілан - але гэта толькі 25, 28 і 30 пазіцыі ў рэйтынгу.

Варшава упершыню з'яўляецца толькі на 39 радку - з польскай сталіцы беларусы лётаюць у Барсэлону. Атрымліваецца, з Вільні часцей, чым з Менска, беларусы лётаюць у Барсэлону, Парыж, Рым і Мілан, крыху далей размясціўся Бэрлін - але таксама з Літвы. А вось у Амстэрдам і Прагу, напрыклад, ляцяць часцей з Менска.

Можна шмат казаць пра прапорцыі эканоміі і камфорту, вылічваць выдаткі на літоўскі ваяж (так, квіткі танныя, але даехаць, перакусіць, часам - пераначаваць?) і параўноўваць іх з прапановамі з вылетам з Менска. Важна тое, што статыстыка вельмі красамоўна паказвае: беларусы выдатна ўмеюць параўноўваць кошты і выбіраць выгадны варыянт не ў шкоду камфорту.