Колькасць імігрантаў, якія атрымалі грамадзянства ЗША дасягнула рэкорду за 100 гадоў

У ЗША, паводле звестак на 2017 год, пражывала 44,5 млн імігрантаў, у якіх ёсць амерыканскае грамадзянства.

Пра гэта паведамляе Reuters са спасылкай на звесткі Бюро перапісу насельніцтва ЗША, паведамляе РБК.

Такім чынам, колькасць грамадзян-замежнікаў у ЗША вырасла з 1,8% у параўнанні з 2016 годам, да 13,7%, дасягнуўшы самай высокай долі за апошняе стагоддзе. У 1910 годзе колькасць імігрантаў у ЗША складала 14,7%. Насельніцтва ЗША ў 2017 годзе - блізу 330 млн чалавек.

Большасць імігрантаў, якія перабраліся ў ЗША ў 2017 годзе, нарадзіліся ў Кітаі, таксама вялікая частка замежнікаў мае вышэйшую адукацыю. У той жа час, знізілася колькасць перасяленцаў з Мексікі. Са слоў спецыяліста Інстытута міграцыйнай палітыка ЗША Рэндзі Капса, прычынай павелічэння колькасці замежнікаў у ЗША стала актыўнасць на рынку працы.

У пачатку ліпеня прэзідэнт ЗША Дональд Трамп назваў амерыканскія іміграцыйныя законы «самымі тупымі ў свеце». «Калі людзі заехалі ў нашу краіну нелегальна, мы павінны неадкладна адправіць іх назад, не праходзячы праз гады судовай цяганіны», - падкрэсліваў Трамп. З ягоных слоў, дэмакраты маюць намер захаваць межы краіны адкрытымі, нягледзячы на рызыку росту злачыннасці, у той час як рэспубліканцы выступаюць за ахову межаў і барацьбу са злачыннасцю. Адным з перадвыбарных абяцанняў Трампа была рэформа міграцыйнага заканадаўства. Прэзідэнт уважае неабходным узвесці агароджу на мяжы з Мексікай, скасаваць візавую латарэю і ланцуговую міграцыю.