У цэнтры Масквы адбываецца мітынг супраць падвышэння пенсійнага ўзросту
6- 21.08.2018, 15:16
- 14,181
Пратэстоўцы сабраліся ля будынка Дзярждумы РФ.
Каля будынка Дзярждумы РФ у Маскве, дзе сёння праводзяцца парламенцкія слуханні ў пытанні падвышэння пенсійнага ўзросту, праходзіць акцыя супраць падвышэння пенсійнага ўзросту. Пра гэта паведаміў дэпутат Дзярждумы ад фракцыі КПРФ Валерый Рашкін у сваім твітэры.
Паводле звестак Інтэрфакса, ля Дзярждумы сабраліся некалькі дзясяткаў чалавек. З імі сустрэліся дэпутаты КПРФ.
Сейчас возле Думы. Протестуем против повышения пенсионного возраста. #КПРФ #Госдума #пенсия #Референдум pic.twitter.com/SIAb37gLWd
— Валерий Рашкин (@RashkinV) 21 августа 2018 г.
Падчас мерапрыемства, паведамляе «АУС-Інфа», затрымалі актывістаў «Левага фронту» Дзяніса Носава і Льва Скаракіна за акцыю з труной. Са слоў Носава, труна з'яўлялася часткай акцыі супраць падвышэння пенсійнага ўзросту.
Як паведамляе ТАСС, мэрыя Масквы атрымала чатыры заяўкі на ўзгадненне мітынгаў супраць падвышэння пенсійнага ўзросту. Суразмоўца агенцтва ў прэс-службе сталічнага дэпартамента рэгіянальнай бяспекі і процідзеяння карупцыі сказаў, што ўсе заяўкі знаходзяцца ў стадыі разгляду. Як удакладніў прадстаўнік дэпартамента, усе плануюць правесці акцыю 2 верасня, арганізатарам адной з акцый з'яўляецца маскоўскае аддзяленне КПРФ.