У цэнтры Лондана ў гадзіну пік эвакуявалі вакзал
- 22.06.2018, 11:05
- 6,148
Інцыдэнт адбыўся на вакзале Чарынг Крос.
У цэнтральнай частцы Лондана эвакуявалі вакзал Чарынг Крос пасля паведамленняў пра мужчыну з бомбай на шляхах.
Пра гэта паведамляе The Telegraph.
Відавочцы паведамілі пра некалькі паліцэйскіх аўтамабіляў, якія прыбылі на вакзал у той час, як пасажырам было загадана пакінуць тэрыторыю вакзала, бо ідзе эвакуацыя. Інцыдэнт адбыўся ў ранішні час пік.
«Мы цяпер развязваем справу з інцыдэнтам на вакзале Чарынг Крос пасля паведамленняў пра мужчыну на шляхах, які сцвярджае, што мае бомбу», - паведамілі ў брытанскай транспартнай паліцыі раніцай.
Пазней транспартная паліцыя паведаміла, што праваахоўнікі затрымалі мужчыну а 7.45 раніцы. Пакуль незразумела, ці была ў яго выбухоўка.
Транспартная паліцыя паабяцала аднавіць працу вакзала як мага хутчэй.
У выніку інцыдэнту ніхто не пацярпеў.