Маршрутнікі скардзяцца на татальныя праверкі

Вознікаў, якія працуюць на нерэгулярных міжгародніх маршрутах, спыняюць і пагражаюць пасажырам.

«Транспартнікі твораць беззаконне: спыняюць аўто проста на лініі і трымаюць па гадзіне нашых пасажыраў», - паведамілі tut.by вознікі, якія працуюць на нерэгулярных міжгародніх маршрутах.

«Потым давядзецца скарачаць шлях і гнаць»

ІП Аляксей Свірыд разам з бацькам, братам і жонкай перавозяць пасажыраў з Пінска ў Менск, Берасце і іншыя гарады без прывязкі да аўтавакзала і строгага раскладу. Яшчэ да новага года Аляксей хацеў перайсці ў разрад рэгулярных вознікаў, але яму не спадабалася, што амаль адначасова пачалі працаваць два ягоныя канкурэнты - яны таксама перайшлі ў рэгуляршчыкі.

- Паставілі нас траіх на рэйсы, якія адпраўляюцца ў аднолькавы час, як жа гэта так! Вось я і мая сям'я вызначылі працаваць так, як і раней - нерэгулярна.

На свой страх і рызыку прадпрымальнікі перавозілі пасажыраў - ніякіх санкцый да іх не ўжывалі.

- А з сярэдзіны чэрвеня транспартнікі пачалі ствараць нешта незразумелае: самастойна або разам з машынамі ДАІ з уключанымі чырвонымі мігалкамі спыняюць нашы маршруткі, потым просяць кіроўцу ад'ехаць на стаянку, а пасажыраў выйсці з салона. У людзей перапісваюць пашпартныя звесткі, пытаюцца, як яны замовілі перавозку. Прычым пасажырам пагражаюць: памятаеце, што за дачу ілжывай інфармацыі вас могуць прыцягнуць да крымінальнай адказнасці! Ды яшчэ і павучаюць: маўляў, навошта вы паехалі з нерэгулярўчыкам? Ехалі б афіцыйна, вас бы не затрымлівалі.

Аляксей кажа, што ўсё расцягваецца на гадзіну, не менш. Пасажыры незадаволеныя.

- Людзі спазняюцца, а тут ім даводзіцца даваць справаздачу ў сваіх дзеяннях. Транспартнікі вызначылі, што добра дзейнічаюць? А яны не думаюць, што кіроўцам давядзецца потым гнаць, каб людзі паспелі туды, куды ім трэба?

З паведамленняў нерэгуляршчыкаў, такія праверкі транспартнікі праводзяць ва ўсёй рэспубліцы.

«Правяраем, што змянілася са студзеня»

У Транспартнай інспекцыі Мінтранса паведамілі, што «ніякага беззаконня і парушэння заканадаўства іх супрацоўнікі сабе не дазваляюць», а мерапрыемства, якое яны праводзяць з 14 чэрвеня - гэта чарговы месячны маніторынг, які праводзіцца ва ўсёй краіне.

- Пасля ўваходжання ў дзеянне Закона «Аб аўтамабільным транспарце» мы ўжо двойчы (зімой і вясной) праводзілі маніторынг і збіралі інфармацыю. Высветлілася, што шэраг нерэгулярных вознікаў, нягледзячы на новы закон, не збіраюцца ўкладаць дамовы аб арганізацыі рэгулярных маршрутаў. Цяпер ізноў прызначаны маніторынг, каб паглядзець, што змянілася, - распавёў Іван Алісейка, начальнік управы кантролю транспартнай дзейнасці Транспартнай інспекцыі.

Транспартнікі правяраюць, колькі нерэгулярных вознікаў працуе на рынку. З гэтай мэтай і праводзяць апытанне пасажыраў.

- Але пытаем толькі тых людзей, якія гатовыя пра гэта гаварыць. Калі пасажыр адмаўляецца ад дачы нейкіх тлумачэнняў, то ніхто ад яго нічога не патрабуе.

Сёння транспартнікі збіраюць інфармацыю пра нерэгуляршчыкаў. Пры дастатковых падставах пачаць адміністрацыйны працэс, матэрыялы будуць накіроўваць у адпаведныя структуры. Пасля маніторынгу філіялы Транспартнай інспекцыі пададуць у галаўны офіс свае аналітычныя запіскі, гэтая інфармацыя будзе зведзеная ў адзін дакумент.

Як паказалі маніторынгі транспартнікаў, праведзеныя раней, у студзені зафіксаваныя ўсяго восем зваротаў ад нерэгуляршчыкаў, якія наважылі легалізавацца, у траўні такіх заяў было ўжо 150.