Дзяржаўны дэпартамент заявіў пра «акустычную атаку» на дыпламата ЗША ў Кітаі

Раней «акустычныя атакі» супраць амерыканскіх дыпламатаў былі ўжытыя на Кубе.

Сімптомы амерыканскага дыпламата ў кітайскім Гуанчжоў, які адчуў недамаганне, падобныя да тых, якія адчувалі супрацоўнікі Дзярждэпу пацярпелыя ад «акустычнай атакі» на Кубе. Пра гэта заявіў дзяржаўны сакратар ЗША Майк Пампея, паведамляе РБК са спасылкай на CNN.

Інцыдэнт адбыўся 18 траўня ў амерыканскім консульстве ў горадзе Гуанчжоў на поўдні Кітая. Дыпламату стала кепска і ён адчуў, са слоў Пампея, сімптомы «падобныя» да тых, што мелі амерыканскія дыпламаты на Кубе ў 2017 годзе, якія пацярпелі ад «акустычнай атакі». Супрацоўніка консульства адправілі ў ЗША на абследаванне. Дзярждэп пачаў расследаванне.

Як паведамляе тэлеканал ABC, Дзярждэп рассыланнем на электронную пошту папярэдзіў амерыканскі дыпперсанал у Кітаі пра небяспечныя «ненармальныя» гукі, якія могуць нанесці шкоду мозгу.

Упершыню пра тое, што кубінскія спецслужбы ўжываюць супраць амерыканскіх дыпламатаў «акустычныя атакі», стала вядома ў жніўні 2017 года. У Дзярждэпе сцвярджалі, што пасля спецыяльнага ўздзеяння на амерыканскіх дыпслужбоўцаў у 22 з іх пагаршалася самаадчуванне – меліся галавакружэнні, пачаліся праблемы са слыхам. Кубінцы адмаўлялі такія дзеянні і сцвярджалі, што амерыканскім дыпламатам стала дрэнна ад цвыркуноў. У адказ на «акустычныя атакі» ўлады ЗША выслалі ў кастрычніку 2017 году 15 кубінскіх дыпламатаў. У студзені 2018 гадоў у ФБР прызналі, што не знайшлі слядоў «акустычных атак» на амерыканскіх дыпслужбоўцаў.