У Вільні з'явіцца сквер імя Барыса Нямцова
- 23.05.2018, 15:23
- 6,295
Імем расейскага апазіцыйнага палітыка назавуць сквер перад амбасадай Расеі.
Гарадская рада Вільні прыняла пастанову назваць сквер перад амбасадай Расеі імем Барыса Нямцова. Пра гэта ў сваім «Фэйсбуку» заявіў расейскі журналіст, намеснік старшыні руху «Адкрытая Расія» Уладзімір Кара-Мурзa:
«32 галасы за, 1 супраць, 1 устрымаўся. Пастанова ўвойдзе ў дзеянне заўтра пасля подпісу мэра», - напісаў Кара-Мурза.
Нагадаем, у канцы лютага плошча Барыса Нямцова з'явілася ў Вашынгтоне. Афіцыйная цырымонія адкрыцця плошчы імя расейскага апазіцыянера ў амерыканскай сталіцы прайшла ў гадавіну ягонай смерці.