Расейскі карабель сеў на мель ля берагоў Вялікабрытаніі
21- 18.12.2018, 12:16
- 21,027
Брытанская берагавая ахова ачапіла сухагруз «Кузьма Мінін».
Расейскі сухагруз «Кузьма Мінін» водазмяшчэннем 16 тысяч тон сеў на мель ля паўднёва-заходніх берагоў Вялікабрытаніі, у бухце Фалмут у графстве Корнуол. Пра гэта паведаміла Daily Mirror, адзначыўшы, што судна знаходзіцца «ў небяспечнай блізкасці» да берага, паведамляе РБК.
Выданне паведамляе, што сухагруз выйшаў з порта Тэрнязэн у Нідэрландах. Вядома, што на борце судна экіпаж з 18 расейскіх маракоў.
Агенцтва марской і берагавой аховы Вялікабрытаніі пацвердзіла інцыдэнт, удакладніўшы, што на судне няма грузу і няма паведамленняў пра які-небудзь забруджванні акваторыі праз здарэнне. Берагавая ахова ачапіла месца здарэння.
180 metre bulk carrier dragged anchor and grounded on west of port entrance between Swanpool and Gullyngvase beaches this morning. 18 Russian crew on board. No cargo on board, no report of pollution.
— Maritime&Coastguard (@MCA_media) 18 декабря 2018 г.
Tug on way, lifeboat standing by. Coastguard Team have cordoned off ship.
«Амбасада ў курсе сітуацыі. Цяпер супрацоўнікі Консульскага аддзела звязваюцца з прадстаўнікамі мясцовых уладаў і выратавальных службаў для высвятлення дэталяў здарэння», - паведамілі РБК у прэс-службе амбасады Расеі ў Вялікабрытаніі.
Сухагруз «Кузьма Мінін» эксплуатуецца Мурманскім параходствам. РБК накіраваў запыт у параходства.
