Фотафакт: Жыхар Глуска ў лістападзе знайшоў два вялізныя чырвонагаловікі
10- 13.11.2018, 11:31
- 12,842
Заўзяты грыбнік не паверыў сваім вачам.
Два чырвонагаловікі-волаты днях знайшоў глусчак Аляксандр Тоўсцік. Вялізныя грыбы - амаль кілаграм кожны! - раслі ў лесе каля вёскі Балашэвічы.
Цікава, што такі сюрпрыз заўзяты грыбнік атрымаў напярэдадні свайго дня нараджэння, піша bobrlife.by.
Наогул Аляксандр Тоўсцік з жонкай пайшлі ў лес па чорныя грузды. Калі ўбачылі чырвонагаловікі-гіганты, не паверылі вачам: грыбы да таго ж былі моцнымі і чыстымі - без чарвякоў.
Дома знаходку ўзважылі: 920 і 950 грамаў.