«Баста»: Не праспіце рэвалюцыю!
10- 13.11.2018, 10:11
- 16,065
Чаму людзі ў Беларусі бунтуюць?
Учорашняя стужка навіна:
Жыхар вёскі ў Камянецкім раёне абстраляў дом аднавяскоўцаў, пагражаў забіць суседа, потым пайшоў у лес. Са стрэльбай, натуральна, піша тэлеграм-канал «Баста».
Падлеткі пад Вілейкай успомніўшы пра традыцыі «рэйкавай вайны», закідалі камянямі цягнік Менск-Полацк. Прычыны невядомыя.
Мужчыны ў аграгарадку Юравічы Калінкавіцкага раёна, не дачакаўшыся справядлівасці ад уладаў, наладзілі самасуд і спалілі дом мясцовага дэбашыра, які падазраецца ў забойстве іх аднавяскоўца.
Гомельскі студэнт разграміў аўтаматычную АЗС - раскідаў вогнетушыцелі і скрыні для смецця, пашкодзіў тэрмінал і электраправодку.
Аб падобных выпадках мы чытаем кожны дзень. Быццам бы нармальныя, адэкватныя людзі ўчыняюць ірацыянальныя ўчынкі, выяўляючы агрэсію да навакольных. Гэта хваленая беларуская стабільнасць?
Вядомы амерыканскі сацыёлаг і псіхолаг Тэд Гар у кнізе «Чаму людзі бунтуюць» называе рост колькасці падобных фактаў відавочнай прыкметай блізкіх хваляванняў і бунтаў. Паводле ягоных слоў, сацыяльныя праблемы, бездань паміж чаканымі і атрыманымі выгодамі, вядзе да росту нематываванай ірацыянальнай агрэсіі. Яе аб'ектамі становяцца выпадковыя прадметы, людзі, жывёлы. Таксама агрэсія часта накіраваная ўнутр. Гэта выяўляецца ў суіцыдах, а таксама ў схаваных формах аўтаагрэсіі - саматычных хваробах, алкагалізм, наркаманія, курэнне. Статыстыку вы ведаеце - паводле гэтых пунктаў Беларусь наперадзе ўсіх.
Чытайце навіны, назірайце за тым, што адбываецца вакол і не праспіце рэвалюцыю!