Калінкавіцкі райвыканкам накідвае прадпрыемствам куплю яблыкаў

Чыноўнікі патрабуюць справаздачу «аб закупленых аб'ёмах».

У Калінкавічах райвыканкам «усклаў на свае плечы» новую функцыю: ён «дапамагае» мясцоваму сельскагаспадарчаму прадпрыемству збываць яблыкі. Аднак дапамогу тую ён робіць, так бы мовіць, чужымі рукамі, піша сайт gomel.today.

Прадпрыемствы Калінкавічаў атрымалі цікавы ліст, дзе ім прапануюць «арганізаваць набыццё яблыкаў для працаўнікоў». Калі для затарвання прадукцыі няма ёмістасцяў, то таксама не бяда - іх таксама можна купіць у мясцовага хлебазавода толькі за 70 капеек за штуку.

Зрэшты, гэты ліст хоць і носіць рэкамендацыйны характар, аднак справаздачу ў аддзел эканомікі падаць трэба.

Час кіраўніцтва прадпрыемстваў мае абмежаваны.