Больш за паўмільёна чалавек у Лондане патрабуюць другі рэферэндум што да Brexit
7- 20.10.2018, 17:58
- 10,018
Больш за тысячу чалавек прыехалі з розных куткоў Брытаніі.
Больш за паўмільёна чалавек бяруць удзел у дэманстрацыі ў брытанскай сталіцы з патрабаваннем правесці другі рэферэндум па Brexit.
Пра гэта паведамляе «Еўрапейская праўда» са спасылкай на BBC.
Арганізатары пратэсту, ініцыятыва People's Vote, хочуць, каб народ меў права выказацца ў дачыненні да фінальнага пагаднення з ЕЗ аб выхадзе Брытаніі з блока - падтрымаць яго ці адхіліць.
Crowd reaching Parliament Square ahead of 570,000 demanding a final #Brexit say on #PeoplesVoteMarch - great to see so many MPs here from across the parties, albeit if from the backbenches pic.twitter.com/HDUGzr6WJc
— Chris Leslie (@ChrisLeslieMP) 20 октября 2018 г.
Яны кажуць, што з 2016 года, калі брытанцы на рэферэндуме прагаласавалі за Brexit, многія факты аб фінансавых стратах і складанасці працэсу сталі вядомыя шырокай грамадскасці і гэта змяніла пазіцыю брытанцаў.
Тысячы людзей прыехалі з розных куткоў Брытаніі, каб узяць удзел у пратэсце. Людзі прайшлі маршам па вуліцах Лондана і накіроўваюцца да парламенцкай плошчы, дзе адбываецца галоўная дэманстрацыя.
Паводле звестак арганізатараў, у акцыі бяруць удзел 670 тысяч чалавек. Скотленд-Ярд пакуль не ацаніў колькасць дэманстрантаў.