Сойм Літвы абвясціў рэферэндум пра падвойнае грамадзянства

За такую пастанову прагаласавалі 66 дэпутатаў, чацвёра ўстрымаліся.

Парламент Літвы наважыў, што рэферэндум аб пашырэнні інстытута падвойнага грамадзянства адбудзецца ў траўні наступнага года адначасова з прэзідэнцкімі выбарамі.

За такую пастанову прагаласавалі 66 дэпутатаў, чацвёра ўстрымаліся, піша Delfi.

Згодна з прынятай пастановай, на абавязковым рэферэндуме адбудзецца галасаванне па змене тэксту 12 артыкула Канстытуцыі.

Згодна з прынятай пастановай, на абавязковым рэферэндуме адбудзецца галасаванне па змене наступнага тэксту 12 артыкула Канстытуцыі: «Грамадзянства Літоўскай Рэспублікі набываецца па нараджэнні і на іншых падставах, прадугледжаных канстытуцыйным законам. Грамадзянін Літоўскай Рэспублікі па паходжанні, які набыў грамадзянства дзяржавы, адпаведнага крытэрам абранай Літвой еўрапейскай і трансатлантычнай інтэграцыі, не страчвае грамадзянства Літоўскай Рэспублікі. У іншых выпадках грамадзянін Літоўскай рэспублікі не можа быць адначасова і грамадзянінам іншай дзяржавы, за выключэннем прадугледжаных канстытуцыйным законам выпадкаў. Парадак набыцця і пазбаўлення грамадзянства ўсталёўвае канстытуцыйны закон».

Крытэрыі еўрапейскай і трансатлантычнай інтэграцыі будуць устаноўлены ў канстытуцыйным Законе аб грамадзянстве. Рэферэндум аб пашырэнні інстытута падвойнага грамадзянства адбудзецца 12 і 26 траўня наступнага года, калі плануюцца першы і другі тур прэзідэнцкіх выбараў. Бо Cойм прыняў пастанову аб падрыхтоўцы рэферэндуму, плануецца звярнуцца ў Канстытуцыйны суд (КС) за ацэнкай адпаведнасці рэферэндуму асноўнаму закону краіны.

Аднак у чацвер праект звароту не быў прадстаўлены Cойму. Прадстаўнікі апазіцыі і былы суддзя КС Вітаўтас Сінкявічус выказвалі сумневы ў сувязі з тым, што пастанова сойма аб правядзенні рэферэндуму на працягу двух дзён з двухтыднёвым перапынкам можа парушыць канстытуцыйны прынцып раўнапраўя асоб. Бо асобы, якія будуць галасаваць у другі дзень рэферэндуму, будуць валодаць большай інфармацыяй пра яго, чым тыя, што галасавалі ў першы дзень.

Цяпер Канстытуцыя прадугледжвае, што за выключэннем асобных прадугледжаных законам выпадкаў ніхто не можа быць адначасова грамадзянінам Літвы і іншай дзяржавы. Гэта палажэнне Канстытуцыі можна змяніць толькі шляхам рэферэндуму. Папраўкі да Канстытуцыі, калі яны будуць прынятыя на рэферэндуме, увойдуць у дзеянне 1 студзеня 2020 года.