Час зьмяніўся

Альтэрнатывы дэмакратычным пераўтварэньня цяпер няма.

У беларускім МЗС "разочарованы" тым, што Эўрапейскі Зьвяз на яшчэ адзін год працягнуў санкцыі супраць аўтарытарнага рэжыму ў Беларусі.

Санкцыі гэтыя, нагадаем, зьяўляюцца цалкам сымбалічнымі і мінімалістычнымі:

- Забарона прадаваць беларускаму рэжыму зброю і абсталяваньне для АМАПа і ўнутраных войскаў;

- Забарона на ўезд і арышт эўрапейскіх актываў (якіх няма) чатырох найбольш адыёзных лукашэнкаўскіх сілавікоў, імаверна, замешаных у забойстве некалькіх апазыцыйных палітыкаў у 1999 і 2000 гадах: гэта былыя міністры ўнутраных справаў Уладзімер Навумаў і Юры Сівакоў, былы старшыня адміністрацыі Лукашэнка Віктар Шэйман і, як лічыцца, непасярэдны выканаўца выкраданьняў і забойстваў Дзьмітры Паўлічэнка, былы камандзір брыгады адмысловага прызначэньня ўнутраных войскаў МУС.

То бок, вось гэтых людзей МЗС Беларусі прапануе вызваліць з-пад санкцый?

І заклікае дазволіць Лукашэнку купляць на Захадзе дручкі і вадамёты для АМАПа? Каб што?

У гэты ж самы час па сацыяльных сетках беларусы зьбіраюць грошы, каб дапамагчы аплаціць непад'ёмныя штрафы актывістам, арыштаваным за ўдзел у акцыях (супраць інкарпарацыі Беларусі ў склад Расеі.

То бок, у акцыях, дзе яны выказвалі тую ж думку, да якой цяпер на словах прыйшоў і Лукашэнка.

Штрафы вымушаныя аплачваць выбітныя, заслужаныя перад Беларусьсю людзі. Былыя дэпутаты Вярхоўнага савета XII скліканьня, як Пётра Садоўскі і Лявон Баршчэўскі, айцы беларускай незалежнасьці. Выбітныя літаратары і асветнікі Уладзімер Арлоў і Ўладзімер Някляеў. Улады ня хочуць кідаць гэтых людзей за краты, каб не ствараць міжнародны рэзананс - і таму яны зьдзяйсьцяюць гэтае гнюснае публічнае прыніжэньне гэтых заслужаных людзей і ў іх асобе - усяго беларускага грамадзтва.

На такім фоне санкцыі - гэта тое, за што мы мусім дзякаваць Эўразьвязу. Бо ва ўмовах расьціснутай і зьнішчанай апазыцыі значэньне міжнароднага ціску на рэжым застаецца максымальна высокім.

Каб збліжацца з ЭЗ, беларускі рэжым павінен правесьці свабодныя выбары, дазволіць свабоду слова, свабоду сходаў і асацыяцый - базавыя свабоды, прапісаныя ў нават цяперашняй Канстытуцыі Беларусі, якую груба парушае Лукашэнка і тыя, хто дзеліць зь ім адказнасьць за гэтыя цяжкія крымінальныя злачынствы.

Не бывае "альтэрнатыўнага разуменьня" і "адрозьненьняў поглядаў" на свабоду і несвабоду, на праўду і хлусьню, на тыранію і дэмакратыю. Ніколі ня будзе "прагматичное региональное сотрудничество" і "партнёрские отношения" азначаць цярпімасць да тыраніі і палітычных рэпрэсій.

Час зьмяніўся, і альтэрнатывы дэмакратычным пераўтварэньня цяпер няма. Чым хутчэй улада гэта засвоіць (замест таго, каб абурацца), тым лепей будзе для ўсіх.

Андрэй Берзіньш, спецыяльна для Charter97.org

Если вам понравилась статья, вы можете поддержать сайт Charter97.org следующим образом:

РАСЧЕТНЫЙ МУЛЬТИВАЛЮТНЫЙ СЧЕТ ДЛЯ ПОЖЕРТВОВАНИЙ:

Название банка: Bank Millennium S.A.
Адрес: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Название владельца счета: Fundacja “KARTA ‘97”
Назначение платежа: Darowizna na cele statutowe

Связаться с нами можно по адресу [email protected]