Лідская гімназія прэтэндуе на рэкорд

16 стабальнікаў у адной настаўніцы.

9 чэрвеня сталі вядомыя вынікі ЦЭ па рускай і беларускай мовах. Сам экзамен адбыўся 29 мая. Свае веды праверылі амаль 59 тысяч вучняў. 1426 з іх набралі максімальныя 100 балаў. Выпускнікі некаторых школ былі асабліва выніковымі. Так, у гімназіі №1 горада Ліды адразу 16 вучняў атрымалі 100 балаў па рускай мове, піша «Onlíner».

Усе яны вучыліся ў адной настаўніцы — Таццяны Глыздавай. Усяго сёлета з гімназіі выпускаюцца два 11-я класы. І каля 75% усіх выпускнікоў здавалі рускую мову. Дарэчы, пераважная большасць з іх набрала 90+ балаў.

Сама Таццяна Міхайлаўна працуе ў гімназіі ўжо 30 гадоў. Як нам распавялі ў адміністрацыі навучальнай установы, «гэта строгі, патрабавальны і адначасова вельмі прыстойны, вельмі добры і вельмі прафесійны педагог».

У Таццяны Міхайлаўны ёсць уласная сістэма навучання, яна выкарыстоўвае ў працы шмат раздаткавага матэрыялу. Стабальнікі сярод яе выпускнікоў бываюць заўсёды, але 16 чалавек адразу — гэта рэкорд.

Таццяна Міхайлаўна — заслужаная настаўніца. Толькі за апошні год двое яе вучняў сталі прызёрамі Міжнароднай алімпіяды па рускай мове, а ў рэспубліканскай алімпіядзе па гэтым жа прадмеце вучаніца атрымала дыплом другой ступені.

— Гэта сумесная праца настаўніка і дзіцяці. Каласальная! Таццяна Міхайлаўна выкарыстоўвае індывідуальны падыход. Яна вывучае велізарную колькасць сучасных матэрыялаў, шмат размаўляе з дзецьмі, разважае з імі. Праяўляе сапраўдную неабыякавасць. Таму і адносіны ў вучняў з педагогам вельмі блізкія і добразычлівыя. Пасля экзамену дзеці адразу ж ішлі да яе, каб расказаць, як усё прайшло, — адзначылі ў гімназіі.

Сёлета сярэднія балы па рускай і беларускай мовах у рэспубліцы перавысілі 60. Па беларускай мове сярэдні вынік склаў 63,85 бала, а па рускай — 66,16 бала.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]