Кітай сцягнуў да Тайваня больш за 100 караблёў

Пасля сустрэчы Сі Цзіньпіна з Трампам.

Тайвань заявіў пра маштабнае разгортванне кітайскіх суднаў у водах вакол вострава і паблізу першага астраўнога ланцуга пасля саміту прэзідэнта ЗША Дональда Трампа і старшыні КНР Сі Цзіньпіна у Пекіне.

Пра гэта паведаміў генеральны сакратар Рады нацыянальнай бяспекі Тайваня Джозэф Ву на сваёй старонцы ў X.

«Нашы разведвальныя даныя паказваюць, што КНР за апошнія некалькі дзён, неўзабаве пасля пекінскага саміту, разгарнула вакол першага астраўнога ланцуга больш за 100 суднаў», — напісаў ён.

Ву абвінаваціў Пекін у спробах змяніць баланс сіл у рэгіёне і дэстабілізаваць сітуацыю. Да публікацыі генсек прыклаў графічную выяву, на якой адлюстравана размяшчэнне кітайскіх суднаў у Паўднёва-Кітайскім моры, Усходне-Кітайскім моры, а таксама паблізу Тайваня і Філіпінаў.

Fox News звяртае ўвагу на тое, што Ву папярэдзіў міжнародную супольнасць аб разгортванні згаданых караблёў крыху больш чым праз тыдзень пасля ад’езду Трампа з Пекіна і ўсяго праз некалькі дзён пасля таго, як выконваючы абавязкі міністра ваенна-марскіх сіл ЗША Хун Цао заявіў амерыканскім заканадаўцам пра часовае прыпыненне паставак зброі на Тайвань.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]