Алесь Бяляцкі: Беларусі важна заставацца ў фокусе міжнароднай увагі

Сітуацыя з правамі чалавека ў краіне пагаршаецца.

Лаўрэат Нобэлеўскай прэміі міру і старшыня праваабарончага цэнтра «Вясна» Алесь Бяляцкі падчас свайго першага міжнароднага візіту пасля вызвалення выступіў на сайд-івэнце 61-й сесіі Рады ААН па правах чалавека ў Жэневе 11 сакавіка 2026 года, паведамляе праваабарончы цэнтр «Вясна».

Арганізатарамі мерапрыемства сталі пастаянныя прадстаўніцтвы Літвы, Польшчы, Нарвегіі і Швецыі пры ААН. У сайд-івэнце таксама ўзялі ўдзел прадстаўніца Групы незалежных экспертаў па сітуацыі з правамі чалавека ў Беларусі С’юзан Базілі, былая палітзняволеная Ганна Курыс, прадстаўніца міжнароднай праваабарончай арганізацыі Анастасія Круопе, прадстаўнікі міжнароднай супольнасці, у тым ліку паслы розных краін. Мадэратарам сустрэчы выступіў Віціс Юрконіс з Freedom House

«Гэта мой першы міжнародны візіт, — заявіў падчас свайго выступлення Алесь Бяляцкі. — Падчас сайд-івэнту я падкрэсліў, што Беларусі патрэбныя і Група незалежных экспертаў па сітуацыі з правамі чалавека ў Беларусі, і Спецыяльны дакладчык па Беларусі.

Нават у часы шматлікіх крызісаў у свеце Беларусі важна заставацца ў фокусе міжнароднай увагі, бо сітуацыя з правамі чалавека ў краіне пагаршаецца. Штодня мы фіксуем усё новыя выпадкі палітычных рэпрэсій, з’яўляецца ўсё больш палітвязняў. Таму важна сістэматычна працягваць працу на міжнародным узроўні — у тым ліку дакументаваць усе парушэнні, каб надалей гэта магло спатрэбіцца для прыцягнення вінаватых да адказнасці».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]