Лукашэнка сустрэўся з намеснікам спецыяльнага прадстаўніка Трампа Джонам Коўлам

Гаворка ішла пра вызваленне палітвязняў.

Лукашэнка зноў сустрэўся з намеснікам спецыяльнага прадстаўніка прэзідэнта ЗША Дональда Трампа Джонам Коўлам і абмеркаваў вызваленне палітвязняў. Таксама ў Мінск прыехаў намеснік памочніка дзяржаўнага сакратара ЗША па Еўропе Крыс Сміт.

Бяседа доўжылася каля пяці гадзін, як раней паведаміла прэс-служба Аляксандра Лукашэнкі.

Папярэдні візіт Коўла ў Беларусь адбыўся 21 чэрвеня 2025 года, пасля чаго быў вызвалены Сяргей Ціханоўскі і яшчэ трынаццаць палітвязняў.

На новай сустрэчы Лукашэнка з Коўлам таксама ўзняў пытанне вызвалення палітвязняў.

«Слухаючы нядаўна Трампа, я так зразумеў, з вашай падачы, хутчэй за ўсё, яго вельмі хвалююць пытанні, як ён сказаў, закладнікаў ці як там… Палітвязняў і яшчэ чаго-небудзь. Я не супраць», — заявіў Лукашэнка.

Паводле яго слоў, «мы абсалютна не прыхільнікі таго, каб гэтыя людзі знаходзіліся ў выпраўленчых калоніях».

«І калі Дональд настойвае на тым, што ён гатовы забраць да сябе ўсіх гэтых вызваленых, Гасподзь з вамі, давайце паспрабуем выпрацаваць глабальную здзелку», — заявіў Аляксандр Лукашэнка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]