Беларусь узнялася на 48-е месца ў клубным рэйтынгу УЕФА

Гэта найлепшы паказнік беларускіх футбольных клубаў за апошнія шэсць гадоў.

Пасля заканчэння трэцяга кваліфікацыйнага раўнду кантынентальных турніраў Звяз еўрапейскіх футбольных асацыяцый (УЕФА) абнавіў рэйтынг клубных каэфіцыентаў.

Дзякуючы выхаду гарадзенскага «Нёмана» ў плэй-оф кваліфікацыі Лігі канферэнцый Беларусь узнялася на 48-е месца, набраўшы ў гэтым сезоне 2,125 бала. Гэта найлепшы паказнік беларускіх клубаў за шэсць апошніх гадоў.

Пры гэтым каэфіцыент Беларусі ў табліцы яшчэ можа быць палепшаны, калі «Нёман» прадоўжыць паспяховы выступ у Лізе канферэнцый.

Гарадзенскі клуб упершыню ў сваёй гісторыі прабіўся ў плэй-оф еўракубкаў. У барацьбе за выхад у асноўны этап трэцяга паводле рангу кантынентальнага турніру «Нёману» трэба будзе пазмагацца з гішпанскім «Раё Вальякана». Першы матч гарадзенцы правядуць 21 жніўня ў Вугоршчыне ў намінальна дамашнім матчы, паядынак у адказ пройдзе 28 жніўня ў Мадрыдзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]