Гатэлі Беларусі знаходзяцца ў глыбокім крызісе

Эканоміць будуць на ўсім.

Кіраўніца аддзела сертыфікацыі паслуг Беларускага дзяржаўнага інстытута стандартызацыі і сертыфікацыі Таццяна Смірнова расказала БелТА, што ў некаторых гатэлях краіны выключаць наяўнасць тэлевізара.

Так, да патрабаванняў нацыянальнага стандарту СТБ 2577-2020 распрацаваныя дзве змены. Паводле праекту другой, якая прайшла стадыю грамадскага абмеркавання, у аснову пакладзеная практыка сертыфікацыі паводле новага нацстандарту.

«У мэтах эканоміі зменшылася колькасць розных сродкаў мыцця бялізны, ручнікоў, гаплікаў у санвузле», – прывяла прыклады зменаў Таццяна Смірнова.

Шэраг новаўвядзенняў закране, паводле ейных словаў, тэлефонную сувязь.

«Пакінулі толькі ўнутраную і гарадскую ці іншыя сродкі камунікацыі для гатэляў высокай катэгорыі, бо прагрэс ідзе наперад. Міжнародная і міжгародняя тэлефонная сувязь цяпер не запатрабаваная», – адзначыла спікерка.

Таксама Смірнова дадала:

«Для нумароў нізкай катэгорыі гатэляў без зорак выключана наяўнасць тэлевізараў. Акрамя таго, знізілі патрабаванні да ведаў замежных моваў для гатэляў самых нізкіх катэгорый».

А вось дамы паляўнічага, дамы рыбака, шале, бунгала і гасцявыя дамы і зусім прапануюць выключыць з сферы дзеяння стандарту.

«У сувязі з тым, што да іх увогуле асобныя патрабаванні, акрамя як да гатэляў без катэгорыі, вызначыць даволі складана», – кажа Таццяна Смірнова.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]