Зяленскі назваў ключавыя чаканні ад сустрэчы Трампа і Пуціна

«Час заканчваць вайну».

Сённяшняя сустрэча прэзідэнта ЗША Дональда Трампа з расейскім дыктатарам Уладзімірам Пуціным павінна адкрыць магчымасць для рэальнага міру паміж Украінай і РФ, напісаў прэзідэнт Украіны Уладзімір Зяленскі ў Telegram.

Паводле словаў Зяленскага, ён правёў Стаўку вярхоўнага галоўнага камандзіра. Прэзідэнт Украіны ўжо чакае даклады выведкі пра актуальныя планы Расеі і яе падрыхтоўку да саміту на Алясцы.

– Сапраўды высокія стаўкі. Галоўнае, каб гэтая сустрэча адкрыла магчымасць рэальнага шляху да сумленнага міру і размовы лідараў у трохбаковым фармаце: Украіна, Злучаныя Штаты, расейскі бок. Час заканчваць вайну, і крокі ў адказ павінны быць зробленыя Расеяй, – адзначыў украінскі прэзідэнт.

Таксама ён дадаў, што ва Украіне спадзяюцца на ЗША і гатовыя працаваць максімальна прадуктыўна.

Паводле словаў кіраўніка ўкраінскай дзяржавы, на Стаўцы разглядалі і развіццё сістэмы кантрактаў у Сілах абароны Украіны. Ён запэўніў, што войска пры любых абставінах будзе гатовае эфектыўна і хутка адказваць на пагрозы ўкраінскай дзяржаўнасці.

– Прыярытэт – развіццё менавіта кантрактнага войска, – удакладніў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]