У Вугоршчыне скралі запчасткі з МіГ-29 на тэрыторыі вайсковага аэрапорта

Злачынцам удалося сысці незаўважанымі.

У Вугоршчыне невядомыя асобы знялі запчасткі са знішчальнікаў МіГ-29 на тэрыторыі вайсковага аэрапорта і ўцяклі незаўважанымі.

Як паведамляе «Еўрапейская праўда», пра інцыдэнт стала вядома вугорскім СМІ, пасля чаго ў дзяржорганах пацвердзілі, што вядуць расследаванне наконт гэтага.

Першым пра выпадак напісала выданне Blikk. Паводле звестак журналістаў, неардынарны крадзеж адбыўся блізу двух тыдняў таму на тэрыторыі ваеннага аэрапорта Кечкемет непадалёк ад Будапешта.

Невядомыя асобы прабраліся на тэрыторыю аэрапорта і скруцілі дэталі адсека лакатара пад насавымі часткамі МіГ-29.

– У сувязі з інцыдэнтам узнікае шэраг пытанняў – сярод іншага, як яны прабраліся на ўзмоцнена ахоўную тэрыторыю, і гэтага ніхто не заўважыў, – адзначылі ў артыкуле.

Вугоршчына атрымала гэтыя знішчальнікі – усяго 28 штук – у 1993 годзе, у абмен на расейскую дзяржпазыку. У 2010 годзе іх замянілі швэдскімі Gripen, а «МіГі» потым спрабавалі прадаць праз адкрыты тэндар, але без поспеху. Самалёты стаялі «цэлымі», але іх стан усе гэтыя гады паступова дэградуе.

У рэгіянальным аддзеле паліцыі пацвердзілі журналістам Telex, што вядуць расследаванне ў сувязі з гэтым інцыдэнтам і не будуць паведамляць ніякіх дэталяў «у інтарэсах расследавання». Так сама адказалі ў вугорскім Міністэрстве абароны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]