Зяленскі: Усходняя мяжа Украіны і Беларусі павінна стаць лініяй бяспекі Еўропы
29- 15.02.2025, 22:02
- 18,176
Моцная заява ўкраінскага прэзідэнта.
Прэзідэнт Украіны Уладзімір Зяленскі зрабіў важную заяву наконт Беларусі.
Украінскі лідар прапанаваў правесці еўрапейскую «лінію бяспекі», «мяжу паміж вайной і мірам», як ён яе назваў.
«Я прашу вас - кожнага з вас - сапраўды адказаць на гэтае пытанне: калі б Расея прыйшла па вас, магло б ваша войска ваяваць гэтак жа?
Я не хачу, каб камусьці некалі давялося гэта высвятляць - не дай бог. Вось чаму мы гаворым пра гарантыі бяспекі. І менавіта таму мы думаем, што асновай усіх гарантый бяспекі для Украіны павінна быць сяброўства ў NАТО. Ці, калі не гэта, то ўмовы, якія дазволяць нам стварыць іншае NАТО проста тут, ва Украіне.
Бо ў нейкі момант будзе мяжа паміж вайной і мірам. Дзе гэтая мяжа будзе праведзеная і наколькі яна будзе трывалай, залежыць ад нас. Мая прапанова: усходняя мяжа Украіны, усходняя мяжа Беларусі, усходнія межы краін Балтыі, усходняя мяжа Фінляндыі. Гэта наймацнейшая лінія бяспекі для ўсіх нас у Еўропе, таму што гэта лінія міжнароднага права.
І ці памятаем мы яшчэ, што такое міжнароднае права?
Давайце будзем сумленнымі: «міжнароднае права» - гэтыя два словы ўжо гучаць трохі састарэла.
Але я думаю, што місія Еўропы ў тым, каб зрабіць так, каб міжнароднае права ўсё яшчэ мела значэнне», - заявіў Зяленскі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
