Трамп увёў першыя санкцыі, якія датычацца РФ

Абмежавальныя захады прынялі ЗША, Вялікая Брытанія і Аўстралія.

Санкцыі былі ўведзеныя супраць расейскай кампаніі Zservers. Кампанія надавала падтрымку хакерскай групе LockBit у правядзенні кібератак з мэтай вымагальніцтва сродкаў.

Аб гэтым паведамляе Мінфін ЗША і ўрад Вялікай Брытаніі.

Паведамляецца, што Zservers надае паслугі абароненага хостынгу. Яго ўжываюць кіберзлачынцы для пазбягання выяўлення праваахоўнымі органамі. Адным з кліентаў Zservers была хакерская група LockBit – гэта адзін з самых актыўных аператараў праграм-вымагальнікаў (ransomware) у інтэрнэце.

Ахвярамі LockBit былі шынная кампанія Continental, карпарацыя Boeing, сетка рэстарацый Subway. Улетку мінулага года аднаго з магчымых памагатых LockBit затрымалі ва Украіне.

Адзначаецца, што Zservers свядома давала інфраструктуру для правядзення кібератак, уключаючы IP-адрасы для каардынацыі і запуску нападаў праграм-вымагальнікаў.

Поўны спіс тых, хто патрапіў пад санкцыі сёння:

ZSERVERS;

XHOST Internet Solutions LP;

Аляксандр Бальшакоў (супрацоўнік);

Аляксандр Мішын (супрацоўнік);

Ілля Сідараў (супрацоўнік);

Дзмітрый Бальшакоў (супрацоўнік);

Ігар Адзінцоў (супрацоўнік);

Уладзімір Ананьеў (супрацоўнік).

Санкцыі ЗША прадугледжваюць блакаванне маёмасці і забарону транзакцый. Зрэшты, банкі і іншыя фінансавыя ўстановы рызыкуюць таксама трапіць пад другасныя санкцыі, калі прадоўжаць супрацоўніцтва з санкцыянаванымі асобамі. Цікава і тое, што гэта першыя санкцыі, якія тычацца Расейскай Федэрацыі і былі прынятыя ў ЗША падчас другога прэзідэнцкага тэрміна Дональда Трампа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]