Працаўнікам жлобінскай фабрыкі прапанавалі сагравацца каля мікрахвалёвак

Праверка выявіла «незначныя адхіленні».

Нядаўна працоўныя Жлобінскай швейнай фабрыкі паскардзіліся на нізкую тэмпературу ў цэхах. Паводле іх слоў, «павінна быць 21 градус, але вышэй за 10 не падымаецца». Было і відэапацвярджэнне гэтаму. Пасля публічных скаргаў на прадпрыемства прыехалі праверка і мясцовае дзяржТБ, былі выяўлены «незначныя» парушэнні, піша «Зеркало».

Фабрыку правярала санэпідслужба. Паводле даных спецыялістаў, адхіленні ад нормы нязначныя.

«Устаноўлены нязначныя адхіленні ад гігіенічнага нарматыву па тэмпературы паветра на рабочых месцах у швейным цэху — на 1−3 градусы. Пры норме 20 тэмпература паветра складае 17−19 градусаў. На сёння вызначаная тэмпература 18,6−19,4 градуса», — распавёў прадстаўнік абласной санэпідслужбы Ягор Лазарковіч.

Для ліквідацыі парушэнняў кіраўніцтву фабрыкі выдалі прадпісанне.

Паводле слоў дырэктаркі фабрыкі Таццяны Асіпавай, цяпер, каб сагрэцца, ёсць два тэхналагічныя перапынкі і абед. Дадаткова хочуць увесці яшчэ перапынкі, каб супрацоўнікі маглі сагрэцца ў «памяшканнях для прыёму ежы», дзе ёсць чайнікі і мікрахвалёўкі, а пасля прыступіць да далейшай працы.

У швейным цэху цяпер штодня працуюць каля 70 чалавек. Меркаванні некалькіх апытаных падзяліліся — камусьці халодна, а камусьці даводзіцца апранацца цяплей.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]